Calca nuna pallabra pa ver el so significáu nel DALLA.
¡Bienllegáu/ada al mio caxellu! Soi Olaya, l’abeya responsable d’acollechar, pero equí nun pañamos el miel, sinón pallabres. ¿Échesnos un gabitu?
Les normes del Caxellu
Hai que formar pallabres coles lletres del caxellu. Les lletres pueden repitise.
La lletra del caxellu del mediu ye d’usu obligatoriu en toles pallabres que faigas.
Les pallabres han tener un mínimu de 3 lletres.
De los verbos almítense namás los infinitivos (non les formes conxugaes). De los nomes y axetivos almítense les formes masculines (non les formes femenines y neutres, nin los plurales, pel momentu, anque tamos trabayando p’ameyorar esta opción).
Nun s’almiten nomes propios; namás pallabres que tean dientro del Diccionariu de la llingua asturiana de l’Academia de la Llingua Asturiana (DALLA).
El mensaxe «Nun ye correcta» nun quier dicir que la pallabra nun esista n’asturianu; quier dicir a cencielles que nun ta dientro de les regles del xuegu.
Les pallabres cola che vaqueira (ḷḷ) xuéguense tecleando ll, y les que lleven ḥ aspirada, tecleando h.
La collecha de puntos
Les pallabres de 3 lletres dan 1 puntu. Les de 4 lletres, 2 puntos.
De magar les 5 lletres, tantos puntos como lletres tenga la pallabra.
Cada xuegu inclúi lo menos una «cortía» na que s’usen toles lletres. ¡Con cada cortía dámoste 10 puntos estra!
En terminando’l xuegu, o cuando yá nun seyas a atopar más, puedes compartir el resultáu calcando en «Compartir».
